Япон улсын Гүнма мужийн нийтийн бие засах газарт өнөө өглөө байсан эрэгтэй баавгайн дайралтад өртөж, азаар амьд гарчээ. 69 настай хамгаалалтын ажилтныг нийтийн бие засах газраас гарах үед түүн рүү баавгай дайрсан байна. Тухайн эрэгтэй хойшоо савж унасныхаа дараа баавгайн хөл рүү зогсоо зайгүй өшиглөсөн аж. Тэгтэл уг баавгай түүнийг орхиж явжээ. Хамгаалалтын ажилтан баруун хөлөө бага зэрэг гэмтээсэн ч гүйх боломжтой байсан тул ойролцоох цагдаагийн хэлсэлт очиж, уг явдлын талаар мэдээлжээ.

Тус улсад энэ жилийн 4-р сараас хойш баавгайн халдлагын улмаас 13 хүн амиа алдаж, 197 хүн бэртсэн нь нэг жилд гарсан дээд үзүүлэлт болов. Эдгээр халдлагын ихэнх нь Акита мужид бүртгэгдсэн байна.

Японд сүүлийн саруудад баавгайнууд хүнс, тэжээлийн дутагдлын улмаас хоол хайж, хот, суурин газарт орж ирэх нь ихсэж байна. Засгийн газар ард иргэдээ хамгаалахын тулд Акита муж руу цэргийн армийг дайчилж явуулсан юм. Баавгай буудаж болох зөвшөөрөлтэй анчид цөөхөн байдаг тул цагдаа нарт баавгай буудах зөвшөөрөл өгчээ.

Эх сурвалж: The Guardian News