Өвлийн улирал, тэр ААН, байгууллагууд шинэ жилийн баярыг тэмдэглэхтэй холбогдуулан архи, согтууруулах ундаа хэтрүүлэн хэрэглэснээс үүдэлтэй осголт, хөлдөлтийн тохиолдол сүүлийн үед эрс нэмэгдсэн талаар ГССҮТ-өөс мэдээллээ. Тухайлбал, ГССҮТ-ийн Яаралтай тусламжийн тасагт 11 дүгээр сарын 01-нээс 12 дугаар сарын 14-ний хооронд нийт 313 хүн осголт, хөлдөлтийн шалтгаанаар тусламж үйлчилгээ авчээ. Эдгээр тохиолдлын дийлэнх хувийг 14-30 хүртэлх насны залуус эзэлж буй төдийгүй хөлдөлтийн зэрэг хүнд байгаа тул болзошгүй эрсдэлээс урьдчилан сэргийлэхийг анхааруулж байна.