Нийтийн тээврийн автобусанд 12-16 хяналтын камер суурилуулснаар бэлэн мөнгө авах, тамхи татах зэрэг зөрчил 98 хувиар буурчээ. Нийтийн тээврийн бодлогын газраас “Өнгөрсөн долоо хоногт давхардсан тоогоор нийт 3,459,913 иргэнд үйлчилсэн. Өнөөдрийн /2025.12.22/ 09:00 цагийн байдлаар нийтийн тээврийн 1181 автобус иргэдэд үйлчилж байгаа. Нийтийн тээврийн үйлчилгээтэй холбоотой талархал сүүлийн 5 жилийн үзүүлэлттэй харьцуулахад 20 дахин өссөн үзүүлэлттэй байна” гэсэн мэдээлэл өглөө.