Онцгой байдлын алба хаагчдын нийгмийн асуудлыг шийдэх зорилгоор 2015 онд “Онцгой” хотхоныг барих ажлыг эхлүүлсэн. Гэтэл тус барилгын ажлын тендерт шалгарсан “Шонхорын хүсэл” компани нь БНХАУ-аас хөрөнгө татна гэх шалтгаанаар барилгын ажлыг 10 жил гацаагаад буй. Тус барилгад онцгойгийн 180 гаруй алба хаагч, ажилтан, энгийн 300 гаруй иргэн 1 орчим тэрбум төгрөгийг өгчээ. Захиалагчдын талаас энэ асуудлыг Авлигатай тэмцэх газарт шалгуулсан ч ашиг сонирхлын зөрчилгүй гэх хариуг өгчээ. Тэгвэл “Шонхорын хүсэл” компанийн захирал Ли Жин Фү 12-р сарын 25-нд захиалагчдад хандан мэдэгдэл гаргажээ. Мэдэгдэлд 2026 онд барилгыг бүрэн ашиглалтад оруулахаа амласан байна.