Насанд хүрэгчдийн усанд сэлэлтийн улсын аварга шалгаруулах тэмцээн 1-р сарын 8–12-нд Улаанбаатар хотын Төв бассейнд болов. Тус тэмцээнд 20 клүбийн 123 шилдэг тамирчин оролцож, хурд хүч, авхаалж самбаагаа сорин, 24 төрөлд улсын рекордыг шинэчлэн тогтоолоо.

Нийлбэр дүнгээр байр эзэлсэн багууд:

• I байр – We Aquatics
• II байр – Alpha
• III байр – Хангарьд
• IV байр – Сэлэм загас
• V байр – Kings of Oceans

Төв бассейнд хичээллэдэг сурагчид уг тэмцээнд оролцов. “Kings of Oceans” клүбийн тамирчин Д.Хас-Эрдэнэ 1500 м-т өврөөр даллах төрөлд 1-р байр, А.Мөнгөнтулга 200 метрт эрвээхэй сэлэлтийн төрөлд 2-р байр, Ц.Гүнбилэг 50 м-т мэлхий сэлэлтийн төрөлд 2-р байр эзэлсэн бол эрэгтэйчүүдийн 4×100м өврийн буухиа төрөлд 3-р байрт орсон байна. Б.Марал-Эрдэнэ 200 м-т араар даллах сэлэлтийн төрөлд 3-р байрт шалгарчээ.