ХБХХЕГ-ын дарга, удирдлагууд ажлын байран дээрээ зүй бус үйлдэл гаргаж улмаар хөгжлийн бэрхшээлтэй иргэдийн биед халдсан гэх асуудлаар хөгжлийн бэрхшээлтэй иргэдийн төлөөлөл мэдээлэл хийлээ. “Холч хараа өрнүүн дэлгэрэх” ТББ-ын тэргүүн, Ш.Солонго “Өнгөрөгч баасан гарагт бид ХБХХЕГ-ын даргатай уулзахаар ирсэн боловч дарга нар төрсөн өдөр тэмдэглэж байсан. Улмаар цагдаа дуудсан боловч дотроосоо хаалгаа түгжээд онгойлгож өгөөгүй. ХБХХЕГ-ын дарга нарт хөгжлийн бэрхшээлтэй иргэнээ гэсэн сэтгэл байдаггүй. Ажлын байран дээрээ архидан согтуурсан дарга нарыг огцортол тэмцэнэ. 115 мянган хөгжлийн бэрхшээлтэй иргэний эрх ашиг зөрчигдөж байна” хэмээн байр сууриа илэрхийллээ.