“Өнөр” хорооллын гудамжийг цогц гудамж болгон хөгжүүлэх ажлын хүрээнд өнөө орой дараах авто замын хөдөлгөөнийг хаахаар болжээ. 5 дугаар сарын 4-ний 23:00 цагаас Сонгинохайрхан дүүргийн 15 дугаар хороо, “Нандин-Ухаан” эмнэлгээс I хорооллын 23 дугаар байрны чиглэл орчимд борооны ус зайлуулах шугамыг хөндлөн сэтлэх аж. Үүнтэй холбогдуулан уг авто замын хөдөлгөөнийг түр хаахаар болсон байна. Замын хөдөлгөөнийг маргааш өглөө 06:00 цагт нээхээр төлөвлөжээ.