ЭМДЕГ-аас эрүүл мэндийн даатгалын шимтгэлээ өөрөө хариуцан төлдөг малчин, оюутан залуус, гадаадын иргэн, харьяалалгүй хүн, хувиараа хөдөлмөр эрхлэгч иргэд ЭМДС-д шимтгэл төлсөн байдал, авсан тусламж, үйлчилгээний мэдээллийг танилцууллаа. Үүнд:

• Малчид:

5,119 малчин нийт 81 сая төгрөгийн шимтгэлийг даатгалын санд төвлөрүүлж, 3,492 тохиолдлоор 11 төрлийн тусламж, үйлчилгээ авч 594 сая төгрөгийг ЭМД-ын сангаас санхүүжүүллээ.

• Оюутан:

Нэгдүгээр сард 17,716 оюутан 280.6 сая төгрөгийн шимтгэлийг төлж, 16,302 оюутны авсан тусламж, үйлчилгээнд ЭМД-ын сангаас 1,9 тэрбум төгрөг зарцуулсан байна.

• Гадаадын иргэн, харьяалалгүй хүн:

Нийт 61 иргэн 1,9 сая төгрөгийн шимтгэл төлсөн бол 7 төрлийн тусламж, үйлчилгээний 41 тохиолдолд 7 сая төгрөгийг ЭМД-ын сангаас санхүүжүүлсэн.

• Хувиараа хөдөлмөр эрхлэгчид:

55,628 иргэн нийт 881,1 сая төгрөгийн шимтгэл төлж, 49,526 хүний авсан тусламж, үйлчилгээнд нийт 7,2 тэрбум төгрөгийг гэрээт эрүүл мэндийн байгууллагуудад даатгалын сангаас олгожээ.