Үндэсний их баяр наадмын өдрүүд буюу 7-р сарын 10-13-ны хооронд ГССҮТ-ийн Яаралтай тусламжийн тасгаас 2006 хүн тусламж, үйлчилгээ авчээ. Үүнээс насанд хүрэгсэд 1251, 0-18 насны хүүхэд 755 байна. Мөн 84 хүнд яаралтай мэс засал, 67 хүнд төлөвлөгөөт мэс заслын тусламж, үйлчилгээ үзүүлжээ. Баярын наадмын үеэр зам тээврийн ослын улмаас нийт 370 хүн яаралтай тусламж авснаас насанд хүрэгсэд 230, 0-18 насны хүүхэд 140 байна.