БНАСАУ-ын удирдагч Ким Жон Уны дүү Ким Ё Жон АНУ-ын Холбооны мөрдөх товчоо (FBI)-ны мэдэгдлийг няцааж, Вашингтонтой яриа хэлэлцээ хийх “шаардлагагүй” гэж мэдэгдлээ. FBI Хойд Солонгосыг Binance криптовалютын биржээс зургаан тэрбум гаруй ам.долларын крипто хөрөнгө хулгайлсан хэрэгт буруутгасан юм.

Хойд Солонгосын төрийн мэдлийн KCNA агентлагийн арваннэгдүгээр сарын 4-нд нийтэлсэн мэдэгдэлд Ким Ё Жон FBI-ийн буруутгалыг АНУ-ын “дайсагнасан бодлогын” илрэл гэж үзжээ.

Түүний АНУ-тай яриа хэлэлцээ хийхээс татгалзсан мэдэгдэл нь Доналд Трамп, Ким Жон Ун нар энэ сарын сүүлээр дээд хэмжээний уулзалт хийж магадгүй гэсэн таамаглал дэвшүүлж буй үед гарч байна.

Түүнчлэн Өмнөд Солонгос, АНУ-ын хамтарсан цэргийн сургуулилалт, Хойд Солонгосыг цөмийн зэвсгээс ангижруулах шаардлага, мөн АНУ-ын Төрийн департаментын дэлхийн хүн худалдаалах гэмт хэргийн талаарх тайланд Хойд Солонгосыг багтаасныг шүүмжилжээ.