Монгол Улсын хэмжээнд төрийн албаны бүх шатанд хийсэн томилгоог хянан шалгахаар өнөөдөр ЗГ шийдвэрлэв. Уг шалгалтыг зохион байгуулахыг Б.Энхбаяр сайдад Ерөнхий сайд үүрэг болголоо.

Ерөнхий сайд Н.Учрал:

-Аливаа бодлого, шийдвэр төрийн албаны дунд, доод шатанд очоод, яаж замхардгийг Хяналт хэрэгжүүлэх газраас хийсэн хяналт шалгалтын дүнгүүд тодорхой харуулж байгаа. Нэг талаас салбарын сайд нар ЗГ-ын тогтоол шийдвэрийг шат шатанд нэг мөр хэрэгжүүлэхэд анхаарах хэрэгтэй байна. Дунд, доод шатанд замбараагүй томилгоог цэгцлэхгүй бол шат шатанд ийм асуудал үүссэн.

Тэгэхээр Б.Энхбаяр сайд ЗГ-ын хүний нөөц хариуцаж байгаагийн хувьд томилгооны шалгалт хийх хэрэгтэй болж байна. Ер нь хаана хаанаа хариуцлагатай байцгаая.

Хүн хэлмэгдүүлж болохгүй. ТАЗ, хууль хяналтын байгууллагуудын шийдвэрт үндэслэж шийдвэр гаргах нь зүйтэй.