Нийслэлийн сонгуулийн хорооноос 2024 оны ИТХ-ын сонгуулийн санал хураалт нийслэлийн хэмжээнд ямар байгаа талаар мэдээлэхдээ 2020 оны ИТХ-ын сонгуультай харьцуулахад санал хураалтын ирц харьцангуй бага хэмээн тайлбарлалаа. Өөрөөр хэлбэл 2024 оны ИТХ-ын сонгуулийн ирц Нийслэлийн хэмжээнд 18:40 цагийн байдлаар 36 хувьтай байна. 2020 оны сонгуулиар 47.7 хувьтай байжээ.

Өмнөх ИТХ-ын сонгуулийн санал хураалтад залуучууд төдийлөн сайн оролцдоггүй гэх дүгнэлт гарснаар энэ удаад ирцийн босгогүйгээр зохион байгуулсан ч идэвхгүй хэвээр байна. 16:00 цагийн байдлаар ИТХ-ын санал хураалтад 70-с дээш насныхан түлхүү оролцож байгааг явцын мэдээллээс харж болох юм. Харин 18-20 насныхан санал хураалтын 14.7 орчим хувийг бүрдүүлж байгаа аж.