Дорноговь аймгийн засаг дарга А/774 дүгээр захирамж гаргаж, аймгийнхаа нутаг дэвсгэрт согтууруулах ундаа худалдах, түүгээр үйлчлэх цагийн хуваарийг шинэчиллээ. Тус аймагт согтууруулах ундаа зардаг дэлгүүр, худалдааны төвүүд 07:00-22:00 цагийн хооронд, үйлчилгээний газрууд 14:00-01:00 цагийн хооронд ажиллахаар болж байна.

Согтууруулах ундаа зарах, түүгээр үйлчлэхийг хориглосон өдрүүд:

• Гэр бүлийн өдөр буюу 5-р сарын 15,
• Хүүхдийн эрхийг хамгаалах өдөр буюу 6 дугаар сарын 1,
• Хичээлийн шинэ жил эхлэх өдөр буюу 9-р сарын 1,
• Охидын эрхийг хамгаалах өдөр буюу 10 дугаар сарын 11.

Үүнтэй холбоотойгоор тус аймгийн Цагдаагийн газар эргүүл хийх хуваариа өөрчлөх юм байна.