Өнгөрсөн баасан гаригт 2024 оны Billboard Music Awards шагнал гардуулах ёслолын арга хэмжээ зохион байгуулагдаж, Америкийн дуу хөгжмийн ертөнцийн оны шилдгүүдийг тодруулаад байна.
Комедиан Мишель Буто-гийн хөтөлж хүргэсэн шагнал гардуулах арга хэмжээг Paramount+ платформ дээр шууд дамжуулсан ажээ.
Энэ жилийн наадмын шилдгээр дуучин Тэйлор Свифт тодорч, түүхэнд бичигдэх амжилтыг үзүүлээд байна. Тэрээр нийт 10 төрөлд шагнал хүртсэнээр Billboard-ын шагнал гардуулах шоу арга хэмжээний түүхэн дэх хамгийн олон шагнал хүртсэн уран бүтээлчээр тодорчээ. Тэйлор Свифт түүхэндээ нийт 49 шагнал хүртсэнээр өмнөх амжилтыг эзэмшиж байсан 42 шагналтай Канадын реппер Drake-ийг ардаа орхиод байна.
Дуучин Beyoncé мөн шилдэг кантри эмэгтэй уран бүтээлчийн шагналыг хүртсэнээр хип-хоп, R&B, кантри, реп, электроник гэсэн таван өөр дуу хөгжмийн төрөл жанрт Billboard-ын шилдэг эмэгтэй уран бүтээлчийн шагнал хүртсэн цорын ганц уран бүтээлч болжээ.
Шагнал гардуулах ёслолын үеэр мөн шинэ эмэгтэй дуучинтайгаар дахин нэгдсэн Linkin Park хамтлаг, Coldplay хамтлаг, Seventeen, Stray Kids зэрэг k-pop хамтлагууд, дуучин Jelly Roll, Megan Moroney, Shaboozey, Teddy Swims зэрэг уран бүтээлчид ая дуугаа өргөжээ.
2024 оны Billboard Music Awards-ын шагналтнууд:
- Шилдэг уран бүтээлч – Taylor Swift
- Шилдэг шинэ залуу уран бүтээлч – Chappell Roan
- Шилдэг эрэгтэй уран бүтээлч – Morgan Wallen
- Шилдэг эмэгтэй уран бүтээлч – Taylor Swift
- Шилдэг хамтлаг – Fuerza Regida
- Billboard Hot 100 дууны жагсаалтын шилдэг уран бүтээлч – Taylor Swift
- Billboard Hot 100 дууны жагсаалтын шилдэг дуу зохиогч – Taylor Swift
- Billboard Hot 100 дууны жагсаалтын шилдэг продюсер – Jack Antonoff
- Billboard Hot 100 дууны жагсаалтын шилдэг дуу – Teddy Swims “Lose Control”
- Шилдэг стриймингтэй уран бүтээлч – Taylor Swift
- Шилдэг радио уран бүтээлч – Taylor Swift
- Шилдэг R&B уран бүтээлч – SZA
- Шилдэг реп уран бүтээлч – Drake
- Шилдэг кантри уран бүтээлч- Morgan Wallen
- Шилдэг рок хамтлаг – Linkin Park
- Шилдэг хард рок уран бүтээлч – Linkin Park
- Шилдэг латин уран бүтээлч – Bad Bunny
- Шилдэг K-Pop уран бүтээлч – Stray Kids
- Шилдэг afrobeats уран бүтээлч – Tyla
- Шилдэг денс/электроник уран бүтээлч – Charli XCX
- Шилдэг цомог – Taylor Swift “The Tortured Poets Department” цомог
- Шилдэг хамтрал – Post Malone ft. Morgan Wallen “I Had Some Help”
- Шилдэг R&B дуу – Tommy Richman “MILLION DOLLAR BABY”
- Шилдэг реп дуу – Kendrick Lamar “Not Like Us”
- Шилдэг кантри дуу – Shaboozey “A Bar Song (Tipsy)”
- Шилдэг хард рок дуу – Falling In Reverse ft. Jelly Roll “All My Life”
- Шилдэг латин дуу – FloyyMenor & Cris MJ “Gata Only”
- Шилдэг K-Pop дуу – Jung Kook “Standing Next to You”
- Шилдэг денс/электроник дуу – Dua Lipa “Houdini”