Ерөнхийлөгчөөс өгсөн чиг үүргийн дагуу Улсын онцгой комисс хуралдаж холбогдох шийдвэрүүдийг гаргалаа. Үүнтэй холбогдуулан Нийслэлийн агаар, орчны бохирдолтой тэмцэх газрын дарга Д.Мөнхбаатар мэдээлэл хийлээ.
“Өнөөдрийн байдлаар угаар мэдрэгчтэй 60 мянган өрх байна. Угаарын хий мэдрэгчийг ажиллаж байгаа эсэхийг шалгахад зарим өвөө эмээ нар “Төрийнхөө өгсөн юмыг нандигнана” гээд хадгаар ороогоод хадгалж байна. Зарим нь “Тогны мөнгө их гарч байна” гээд салгах жишээний. Уг нь энэ төхөөрөмжийн цахилгааны төлбөр сарын 500 төгрөг. Угаар мэдрэгчээ залгаж байж угаартахаас сэргийлнэ гэдгийг ард иргэд минь ойлгоосой” гэлээ.