Ахмад настнуудын 60 гаруй хувь нь тэтгэврийн зээлтэйг судалгаагаар тогтоожээ. Тэд тэтгэврийнхээ зээлийг ихэвчлэн үр хүүхдүүддээ өгдөг, байр, автомашин худалдан авах, сургалтын төлбөр төлөх зэрэгт нь зарцуулдаг талаар ГБХНХЯ мэдээлсэн. Иймд арилжааны банкууд тэтгэвэр барьцаалсан зээлийг 24 хүртэлх сараар, тэтгэврийг нь 100 хувь барьцаалан олгож байгаа юм. Тэгвэл тус яам тэтгэвэр, зээлийн харьцааг 70:30 болгох, зээлийн хүүг бууруулах талаар Монголбанканд ханджээ.