Jisoo шинэ мини цомгийнхоо танилцуулга видеог цацлаа


Энэ жил дэлхийн аялан тоглолт хийхээр болоод байгаа BLACKPINK хамтлагийн гишүүд сүүлийн үед ганцаарчилсан уран бүтээлүүд болон бусад салбарын төслүүд дээр нэлээд ажиллаж байна.

Өнгөрсөн оны 12 сард Rose “Rosie” хэмээх анхны бие даасан цомгоо гаргасан бол Lisa энэ сарын 28-нд анхны бие даасан “Alter Ego” цомгоо, ирэх сарын 7-нд Jennie анхын бие даасан “Ruby” цомгоо гаргахаар болоод байгаа.

Тэгвэл өнгөрсөн долоо хоногт Өмнөд Солонгосын Coupang Play платформоор гарч эхэлсэн “Newtopia” цувралд гол дүр бүтээгээд байгаа BLACKPINK хамтлагийн гишүү Jisoo энэ жилийн Валентины баярын өдөр өөрийнхөө “Amortage” хэмээх мини цомгийг худалдаанд гаргахаар болсон юм.

Түүний 4 дуутай мини цомгийн танилцуулга видео Youtube дээр нийтлэгдсэн бөгөөд уг танилцуулга бичлэгээс цомогт багтсан дуунуудыг богино хэмжээгээр сонсох боломжтой.

Jisoo өнгөрсөн оны эхээр өөрийнхөө хувийн “Blissoo” хэмээх лэйблийг үүсгэн байгуулсан бол энэ оны 1-р сарын 28-нд тэрээр Warner Records-той өөрийн бие даасан уран бүтээлийн хамтын ажиллагааны гэрээг үзэглэсэн юм. Blissoo лэйбл, Warner Records компанийн хамтарсан анхны төсөл нь энэхүү “Amortage” мини цомог болж байна.

 “Amortage” цомгийн дууны жагсаалт:

  1. earthquake (TITLE)
  2. Your Love
  3. TEARS
  4. Hugs&Kisses

Цомгийн танилцуулгыг энэхүү линкээр үзнэ үү.


One response to “Jisoo шинэ мини цомгийнхоо танилцуулга видеог цацлаа”

Leave a Reply

Your email address will not be published. Required fields are marked *