Netflix-ийн мегахит цуврал “Squid Game”-ийн гуравдугаар улирлын дэлгэцэд гарах өдөр ойртох тусам үзэгчдийн таамаглал улам нэмэгдсээр байна.

“Namu Wiki” мэдээллийн платформын мэдээлснээр “Squid Game 3” ердөө зургаан ангитай байх төлөвтэй байна. Нэмж дурдахад гуравдугаар улирлын төсөв 100 тэрбум вон буюу 68.9 сая ам. доллар болох нь батлагджээ.

Цувралын гуравдугаар улирал 6 дугаар сарын 27-нд гарна. Хэдийгээр Netflix ангиудын тоог албан ёсоор батлаагүй ч фенүүд нь цөөхөн ангитай байгаад сэтгэл дундуур байгаагаа илэрхийлж байна. Үзэгчид 6 ангийг үйл явдлыг дуусгахад хангалттай урт биш гэж үзэж байгаа аж.