АНУ-ын Ерөнхийлөгч Д.Трамп АНУ-д оруулж ирж буй бүхий л ган болон хөнгөнцагааны тарифыг 25%-иар нэмэх шийдвэр гаргалаа. Импортын ган, хөнгөнцагааны тариф нэмэгдсэнээр үнэ нь өсөж, импортын түүхий эд ашигладаг Америкийн компаниудад энэ нь сөргөөр нөлөөлж эхлэх боловч АНУ-ын төрийн тэргүүн уг шийдвэр нь дотоодын үйлдвэрлэлийг нэмэгдүүлэх болно гэж хэлсэн байна.

Д.Трампыг дээрх зарлиг, тушаалыг гаргах тухай мэдээ цацагдсан даруйд даваа гарагт АНУ-ын гангийн үйлдвэрүүдийн хувьцааны үнэ, мөн ган болон хөнгөнцагааны үнэ давхар нэмэгдсэн байна.

АНУ гангийн импортоороо Дэлхийд тэргүүлдэг. Тус улсад нийлүүлдэг гангийн хэмжээгээрээ Канад, Бразил, Мексик улс эхэнд жагсдаг юм. Үүнээс Канад улс өнгөрсөн жил дангаараа АНУ-ын гангийн импортын 50 гаруй хувийг хангажээ. Гангийн импортын нэмэлт тариф энэ чигээрээ үйлчилж эхэлбэл Канад улс хамгийн их хохирол амсахаар болоод байна.

Д.Трамп энэхүү шийдвэрээ дүрэм журмыг хялбарчилж байгаа гээд, тарифын нэмэгдэл нь АНУ-д ган, хөнгөнцагаан экспортлогч бүх улсад хамааралтайг онцолсон байна.