Ховд аймгийн ИТХ, ЗДТГ-ын урилгаар Соёлын гавьяат зүтгэлтэн Э.Баатаржав, А.Балдандорж нар өнөөдөр Ховд аймгийн Нутгийн удирдлагын ордны хурлын их танхимд 16:00-19:00 цагийн хооронд “Аргил цагаан өвгөн” тууль хайлна. Үүнийг хүссэн хүн бүр сонсох боломжтой аж.

“Аргил цагаан өвгөн” тууль 3800 орчим мөр шүлэгтэй. Сайн сайхан бүхнийг дэлгэрүүлж, муу муухай бүхнийг дарах бэлгэдэлтэй цагаан тууль юм байна. Тууль гэх монгол ардын ардын аман зохиолыг ЮНЕСКО 2009 онд Дэлхийн яаралтай хамгаалах соёлын биет бус өвийн жагсаалтад бүртгэсэн юм.

Авирмэдийн Балдандорж Монгол Улсын Төрийн шагналт, туульч Б.Авирмэдийн хүү, төрийн туульч агаад Жилхэрийн удмын 9 дэх үеийн туульч бол Эрдэнийн Баатаржав Баян-Алтайн удмын 4 дэх үеийн туульч юм.