Украинд 18-24 насны залуусыг цэрэгт элсүүлэх, урамшуулал олгох төлөвлөгөө 2-р сарын 11-ний өдөр батлагдсан байна. Энэ талаар мөн өдөр Украины Батлан ​​хамгаалахын сайд Рустем Умеров мэдэгджээ.

Украины Батлан хамгаалах яамнаас албан ёсоор зарлаад байгаа “Contract 18-24” хэмээх энэхүү хөтөлбөр, төлөвлөгөөний энэ насны ангиллын сайн дураараа цэргийн алба хаших хүмүүс нэг жилийн гэрээ байгуулж болох бөгөөд гэрээ байгуулсан залууст 1 сая гривен олгох ажээ.

Төлбөрийн 1 сая гривенээс (ойролцоогоор 24,300 ам.доллар) 200 мянгыг нь шууд олгох бол үлсэн төлбөрийг гэрээ дуустал сар бүр хувааж олгохоор тогтсон байна.

Гэрээ байгуулсан залуус НАТО-гийн стандарт бүхий мэргэжлийн цэргийн бэлтгэл сургуулилтад хамрагдах юм. Хамгийн гол нь уг хөтөлбөр сайн дурын үндсэн дээр явагдана гэдгээрээ онцлогтой бөгөөд энэ нь ямар нэгэн албан цэрэг татлага биш гэдгийг онцолжээ.

Түүнчлэн уг хөтөлбөрт хамрагдсан залууст хүүгүй ипотекийн зээлд хамрагдах, эрүүл мэндийн үйлчилгээг үнэ төлбөргүй авах, гэрээний дагуу нэг жилийн албаа хааж дууссаны дараа хилийн чанадад аялах боломжтой болно гэх зэргээр олон урамшуулал, хөнгөлөлтүүдийг эдлэх гэнэ.

Мөн гэрээ дууссаны дараа залууст цэрэг татлагаас 12 сарын хугацаанд чөлөөлөгдөх эрх үүсэх юм байна. Хөтөлбөрт хамрагдахыг сонирхож буй залуус 18-24.army.gov.ua вебсайт болон Reserve+ хэмээх аппликейшнээр бүртгүүлэх боломжтой болжээ.