Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр хаалттай анги эргэлт уулзалтаар ирж буй иргэд, өмгөөлөгчдийн тав тухтай орчин нөхцөлийг бүрдүүлэх, алба хаагчдын ажиллах урам зоригийг дээшлүүлэх зорилгоор Шалган нэвтрүүлэх байр болон нэгдсэн эмнэлгийнхээ байранд тус тус Кофе шоп нээлээ.

Шалган нэвтрүүлэх байранд нээсэн Кофе шоп нь нийт гурван тасалгаатай бөгөөд интернэт сүлжээнд холбосон тул хоригдогчдын өмгөөллийн үйлчилгээ авах эрхийг хангаж, өмгөөлөгчдийн хууль зүйн туслалцаа үзүүлэх ая тухтай орчин нөхцөл бүрдэж байгаа аж.