Сар шинийн баярын өмнө Улаанбаатар хотын авто замын хөдөлгөөнийг улсын дугаарынх нь тэгш, сондгой төгсгөлөөр хязгаарлан замын хөдөлгөөнд оруулах эсэхийг засгийн газрын ээлжит хуралдаанаар шийдэх юм байна. НИТХ-ын дарга А.Баяр “Автомашины дугаарын хязгаарлалт хийх эсэх санал асуулгыг 10 сайтаар нээлттэй явуулсан. Түүнчлэн нийслэл өөрийн сайт дээрээ ч санал асуулга авсан. Иргэдийн 68 хувь нь дугаарын хязгаарлалт хийхийг дэмжсэн. Судалгааны байгууллагатай хамтарч ажилладаг тул судалгаанд эргэлзэх зүйлгүй. Хүн болгонд таалагдсан шийдвэрийг нэг дор гаргахад амаргүй” гэсэн юм.