Цагаан сарын баярыг угтаж, Хөвсгөл аймгийн ЗДТГ “Бүтээлч хөвсгөлчүүд” үзэсгэлэн-худалдаа зохион байгууллаа. Тус аймгийн Биеийн тамир, спортын газарт зохион байгуулсан уг үйл ажиллагаанд 13 сум. 1 тосгон, Улаанбаатар хот, Дархан-Уул, Орхон, Булган, Архангай аймгийн 6 хоршоо, 23 аж ахуйн нэгж, 48 иргэн оролцов. Тэд давхардсан тоогоор 501 нэр төрлийн бүтээгдэхүүнийг хэрэглэгчдэд хүргэж, 203.4 сая төгрөгийн бүтээгдэхүүн борлуулжээ.