Дорноговь аймгийн Сайншанд сумын 8 дугаар багт суудлын автомашин цахилгаан дамжуулах тулгуур багана мөргөсний улмаас шатжээ. Уг осол 3-р сарын 5-ны өдрийн 13:46 цагийн үед гарсан байна. Тус аймгийн Онцгой байдлын газрын 33 дугаар ангийн албан хаагчдыг очиход, иргэн “Toyota Prius-41” загварын суудлын автомашинаараа багана мөргөсөн байна. Үүний улмаас машиных нь хөдөлгүүр шатаж, цахилгаан дамжуулах тулгуур баганад гал авалцан шатсан аж. Уг галыг онцгой байдлынхан унтраалаа.