Нийтийн тээврийн жолооч ажил үүргээ гүйцэтгэн, зорчигч тээвэрлэн явж байхдаа цус харван, амиа алджээ. Өчигдөр буюу гуравдугаар сарын 10-ны 19:00 цагт “Зорчигч тээвэр-1” ОНӨААТҮГ-ын жолооч, 38 настай эрэгтэй нийслэлийн Баянзүрх дүүргийн 11-р хорооны нутаг дэвсгэрт автобусныхаа бүхээгт амиа алдсан байна.

Нийтийн тээврийн хөдөлгөөнийг камераар хянаж байсан ажилтанд уг жолоочийн бие хэвийн бус харагдсан аж. Тиймээс түүнд автобусаа зогсоох чиглэл өгсөн гэнэ. Гэтэл жолооч хөдөлгөөнгүй болсон тул уг хяналтын ажилтан цагдаагийн байгууллагад хандсан байна. Тус хэргийг Баянзүрх дүүргийн Цагдаагийн гуравдугаар хэлтэс шалгаж байна.