Өмнөговь аймаг дахь Бүсийн оношилгоо, эмчилгээний төвийн компьютер томографын аппарат эвдэрчээ. Уг аппаратаар шинжилгээ хийлгэх шаардлагатай өвчтөнүүд өөр тийш явахаас өөр аргагүйд хүрчээ.
Тус төв мэргэжлийн байгууллагаар уг аппаратыг шалгуулж, юу нь эвдэрсэн, ямар засвар хийхийг тодорхойлуулсан байна. Аппарат засуулах, сэлбэг авах төсөвтэй тус аймгийн Онцгой комисс өчигдөр танилцаад, шийдэж өглөө.

Онцгой комиссын хурлаар Хүчирхийллийн хохирогчдыг хамгаалах, хариу үйлчилгээ үзүүлэх түр хамгаалах байрны үйл ажиллагаанд нэн шаардлагатай байгаа машины талаар хэлэлцэж шийдвэрлэлээ. Хүчирхийллийн хохирогчдыг хамгаалах, хариу үйлчилгээ үзүүлэх түр хамгаалах байранд байгаа хүүхдүүдийн боловсролын үйлчилгээг тасалдуулах ёсгүй. Тиймээс уг байрны ажилчид хүүхдүүдийг сургууль, цэцэрлэгт нь хүргэж өгч, авдаг аж. Үүнд машин шаардлагатай байгаа юм.