Чингэлтэй дүүргийн 20 дугаар хороонд оршин суух 20 настай эрэгтэй Ц.Дагвадорж гэгч нь 16, 32 настай эмэгтэйг хөнөөж, гэмт үйлдлээ нуухын тулд хохирогчдын цогцсыг нуусан гэх хэргийг мөрдөн байцаалтад буцаасныг  прокурор эсэргүүцэж, Нийслэлийн Эрүүгийн хэргийн Давж заалдах шатны шүүхэд гомдол гаргасан юм. Тэгвэл прокурорын гомдлыг өнөөдөр  хэлэлцэж байна.

Хэргийг тодруулбал Мөрдөн шалгах ажиллагаагаар Чингэлтэй дүүргийн 19 дүгээр хорооны нутагт оршин суух 20 настай эрэгтэй Ц.Дагвадорж нь Сүхбаатар дүүргийн нэгдүгээр хорооны нутаг дэвсгэрт 2024 оны зургаадугаар сарын 8-9-нд шилжих шөнө 32 настай эмэгтэй З-ийн амь насыг хохироож шүүгээнд нуусан нь тогтоогдсон.

Түүнчлэн  Хан-Уул дүүргийн хоёрдугаар хорооны нутаг дэвсгэрт 2024 оны 6-р  20-21-нд шилжих шөнө 16 настай эмэгтэй Ш-ийн амь насыг  тус тус хохироосон болох нь мөрдөн шалгах ажиллагаагаар тогтоогдсон юм.