Хоногтоо 200-300 гаруй өвчтөний хөлд дарагддаг Гэмтэл согог судлалын үндэсний төв АШУҮИС-ийн харьяа Монгол-Японы эмнэлэгтэй хамтран ажиллахаар боллоо. Уг хамтын ажиллагааг баталгаажуулж хоёр эмнэлгийн дарга нар буюу Гэмтэл согог судлалын үндэсний төвийн захирал Э.Галбадрах, АШУҮИС-ийн Монгол-Японы эмнэлгийн захирал М.Адилсайхан нар хамтын ажиллагааны гэрээнд гарын үсэг зурлаа.

Энэ хүрээнд АШУҮИС-ийн Монгол-Японы эмнэлэгт гэмтлийн яаралтай тусламжийг харьяалал харгалзахгүй 24 цагаар үзүүлэх, төрөлжсөн нарийн мэргэжлийн чиглэлд ГССҮТ-тэй хамтарч ажиллахаар болсон байна.

Монгол-Японы эмнэлэгт гэмтлийн яаралтай тусламжийг харьяалал харгалзахгүй 24 цагаар үзүүлж эхэлснээр Гэмтэл согог судлалын үндэсний төвийн ачаалал буурна гэж тооцоолж байна. Түүнчлэн зүүн бүсээс ирэх гэмтэж бэртсэн иргэдэд эмнэлгийн тусламж хүрч үйлчлэх хүртээмж нэмэгдэнэ гэж тооцоолж байгаа юм.