УНТЭ-ийн Бөөр шилжүүлэн суулгах үндэсний баг хэвлэлийн бага хурал хийж эрхтэн шилжүүлэн суулгах процессын тухай олон нийтэд мэдээлэл өгөхөөр хандаж байна. 2024 оны 24 бөөр орлуулах аппарат ажилладаг. Энэ диализын аппаратын тусламжтайгаар 49 хүүхэд, хөдөлмөрийн насны буюу 20-45 насны 832, 45-65 насны 1481, 65-74 насны 457 хүн, 74-өөс дээш насны 169 хүн амьдарч байна. Бөөрний архаг дутагдлын оношоор 2024 он гарсаар 607 хүн нэмэгджээ.

Бөөр шилжүүлэн суулгахдаа цусны бүлэг харгалзахгүйгээр эрхтэн шилжүүлэх мэс заслыг хийдэг. Бөөрний дутагдалтай бөөрний донор олдохгүй байгаа иргэдэд тархины үхэлтэй донороос бөөр шилжүүлэн суулгах мэс заслыг хийдэг. Гэвч өнгөрсөн 1 жилийн хугацаанд тархины үхэлтэй донор 1 ч гараагүй. Донор хүлээж байгаа иргэдийн тоо нэмэгдсээр энэ бүртгэлд одоогоор 695 хүн бүртгүүлж горьдлого тээсээр байгааг мэдэгдлээ.