Олон улсын санхүүгийн хамтын ажиллагааны байгууллага (OECD) 2012 оноос эхлэн, Дэлхий даяар “Дэлхийн мөнгөний долоо хоног” аян өрнүүлдэг болсон. Монгол Улс энэ аянд нэгдээд 13 жил болж байна.

Өнөө жилийн аян “Санхүүгийн зөв шийдвэр-Маргаашийн амжилтын эхлэл” уриан дор Дэлхийн 176 улсад өрнөж байна. Уг аяны хүрээнд сошиал орчин дахь санхүүгийн залилан, луйвраас хэрхэн сэргийлэх, мөн санхүүгийн эрсдэлтэй нөхцөлд сэтгэл хөдлөлөө яаж зөв удирдах талаар зөвлөгөө, мэдээлэл хүргэж байна.

Дэлхийн мөнгөний долоо хоногийн нээлтийг 3 дугаар сарын 22-нд Хөвсгөл аймгийн төвд зохион байгуулжээ. Тус үйл ажиллагаанд 300 орчим хүүхэд, залуус оролцож, санхүүгийн эрсдэлээс хэрхэн урьдчилан сэргийлэх талаар мэдээлэл авчээ.

Энэ аяныг Монголбанк санаачлан, Монголын банкны холбоо, Хадгаламжийн даатгалын корпорац, Санхүүгийн зохицуулах хороо, Боловсролын ерөнхий газар хамтран зохион байгуулж байна.