Боловсролын яамны төрийн нарийн бичгийн дарга Х.Батжаргалаар ахлуулсан ажлын хэсэг Архангай аймагт ажиллаж, хүүхдийн 19 цэцэрлэг, ерөнхий боловсролын 6 сургууль, Насан туршийн суралцахуйн төвд 8-н нэр төрлийн сургалтын техник хэрэгсэл, тоног төхөөрөмж гардуулан өглөө.

Насан туршийн суралцахуйн төв, Эрдэнэбулган сумын 4-р сургууль, Батцэнгэл сумын ерөнхий боловсролын сургууль тус бүр 28 хүний суудалтай хүүхдийн автобустай боллоо. Эрдэнэбулган сумын 3, 5-р сургуульд иж бүрэн номын сан, Эрдэнэбулган сумын 1-р сургуульд STARLINK интернэтийн тоног төхөөрөмж, бусад байгууллагуудад STEAM сургалтын хэрэглэгдэхүүн, 65 инчийн ухаалаг дэлгэц, зөөврийн компьютер болон бусад тоног төхөөрөмж гардууллаа.