Засгийн газын хуралдаанаар гаргасан шийдвэрийг танилцууллаа. Өнөөдрийн хуралдаанаар Монгол Улсын нутаг дэвсгэрээр дамжуулан ОХУ-аас  БНХАУ-руу байгалийн хий хоолой нийлүүлэх, хоолой барих төслийн ажлын явцыг хэлэлцсэн байна.

Энэ талаар ЗГХЭГ-ын дарга Н.Учрал дараах мэдээллийг өглөө.

Тэрээр” Байгалийн хий дамжуулах хоолой нь хойд хилээс, урд хил хүртэлх 958.6 км үргэлжилдэг. 6 аймаг 22 сумдын газар нутгаар дайран өнгөрдөг. Энэ төсөл урагшилснаар эдийн засгийг тэлэх, барилга угсралтын үедээ 12000, ашиглалтын үедээ 1000 гаруй ажлын байрыг шинээр бий болгох чухал ач холбогдолтой төсөл” гэв.

Энэ төслийг Монгол Улсын шадар сайд С.Амарсайханаар ахлуулж, Аж үйлдвэр, эрдэс баялгийн яам ажлын албыг нь хариуцаж, “Эрдэнэс газ” төслийн нэгж хийн хоолойн төслийг хариуцаж ажиллаж байгаа юм.