“Эрдэнэс Тавантолгой” хувьцаат компанийн хувьцааны ногдол ашгийн үлдэгдлийг энэ сард иргэдэд олгохоор яригдаж байгаа. 1072 хувьцаатай бол татварын дараах дүнгээр 93500 төгрөг авах учиртай. Иргэд ногдол ашгийн үлдэгдлээ ямар хэлбэрээр хүлээн авах тухай саналаа И-Монголиа платформ дээр өгөх ёстой. Санал өгөх хугацаа маргааш дуусна.

Хэрэв иргэд ногдол ашгаа бэлнээр авах санал өгсөн тохиолдолд үлдэгдэл нь хувьцааны дансанд орно. Харин хөгжлийн санд хуримтлуулахаар санал өгвөл хувьцааны мөнгө нийслэлийн дэд бүтцийн санхүүжилтийн эх үүсвэр болж шилжинэ. Мөн хуримтлалын дансанд хадгалах сонголтод саналаа өгөх боломжтой бий гэнэ. Иргэн 1072 ширхэг хувьцааныхаа мөнгөтэй холбоотой санал өгөөгүй тохиолдолд ногдол ашиг шууд иргэдийн данс руу шилжих гэнэ.