Хөвсгөл аймгийн нийт нутгаар өнөөдөр салхитай, шороон шуургатай байна. Өдрийн 12 цаг 30 минутаас эхэлсэн хүчтэй шороон шуурга Мөрөнд 11-19 м/с хүрсэн бол тал хээр газарт 20 м/с салхилж, түр зуур 30 м/с хүрсэн гэдгийг тус аймгийн Ус, цаг уур, орчны шинжилгээний төв мэдээллээ. Энэ үзэгдэл өнөөдөр 20:00 цаг хүртэл үргэлжлэх тул цаг агаарын сэрэмжлүүлгийг тогтмол сонсож, урьдчилан сэргийлэх арга хэмжээ авахыг Хөвсгөл аймгийн Онцгой байдлын газар анхаарууллаа.

Эх сурвалж:Монцамэ