Сүүлийн 7 хоногийн байдлаар 2112 удаагийн гал түймрийн дуудлага мэдээлэл бүртгэгдсэн байна. Энэ нь өнгөрсөн оны мөн үеийнхээс 32,8 хувиар өссөн үзүүлэлт юм. Объектын гал түймрийн 64,6 хувь нь иргэний санамсар болгоомжгүй байдлаас үүдэлтэй. 25 хувь нь ашиглалтын норм зөрчсөнөөс үүдсэн гал түймэр гарчээ. Харин 1 хувь нь санаатай гаргасан гал түймрийн зөрчил байгаа мэдээлэл байна. 2025 он гарснаас 12 аймгийн 58 сумд, нийслэлийн 3 дүүрэгт гал түймрийн 89 удаагийн ой хээрийн түймэр бүртгэгджээ.