УИХ-ын ТББХ-ны хуралд Ерөнхий сайд оролцож “Итгэл үзүүлэх” тогтоолын төслөө өөрөө танилцуулж байна. “126 гишүүнтэй парламентын анхны ЗГ-ыг аль болох зөвшилцлийн зарчмаар явуулах гэж хичээж ажиллаж ирлээ” хэмээн гишүүдээс дэмжлэг хүсэж байгаагаа илэрхийлж байна. Төрийн байгуулалтын байнгын хорооны 25 гишүүн 60 хувийн ирцтэйгээр хуралдаж байна. Гишүүдийн асуултад Ерөнхий сайд нээлттэй хариулж, мэтгэлцэх сонирхолтой байгаагаа илэрхийллээ. ТББХ-ны гишүүдээс 10 гишүүн асуулт асууж, хариулт авахаар бүртгүүллээ.