Бяцхан Лиза хэмээн алдаршсан, Камбожийн хаан Нородом Сихамонийн ач охин гүнж Женна Нородом “К-поп” од болохоор Өмнөд Солонгосыг зорих тухай мэдээлэл гарлаа. 12 настай гүнж Женна эх орондоо хэдийн олны танил болсон бөгөөд олон нийтийн мэдээллийн хэрэгслээр олон сая дагагчтай болжээ.

Тэрээр гайхалтай дуулдаг бөгөөд бүжгийн ур чадвараа гайхуулж Дэлхийн хэмжээний од болохын тулд Солонгос улсад дадлагажигч болохоор төлөвлөж байгаа тухай Тайваний Sanli News Network сонинд бичсэн байна.

Женна таван хэлээр чөлөөтэй ярьдаг, К-попын үнэнч шүтэн бишрэгч аж. Шүтэн бишрэгчид нь түүнийг өвөрмөц дүр төрх, гайхалтай авьяасаараа Blackpink-ийн Лиза эсвэл (G)I-DLE-ийн Минни шиг алдартай болно гэжээ.

Тэрээр бүжиглэх, дуулах төрөлхийн авьяас чадвараараа 2018 онд жүжигчин, дуучнаар дебютээ хийж, сурталчилгаа, телевизийн жүжигт тоглосноороо хурдан хугацаанд олны танил болсон байна. Камбожийн “бяцхан Лиза” 2022 оны 6-р сард өөрийн зохиосон K-pop стилийн “The First Day Without You” дуугаа Солонгос-Камбожийн хөгжмийн наадамд дуулжээ.