Японы автомашин үйлдвэрлэгч Ниссан Моторсын борлуулалт Хятад, АНУ-д буурч байгаа тул 9,000 ажлын байр болон үйлдвэрлэлийн хүчин чадлынхаа тавны нэгийг цомхотгох тухай мэдэгджээ. Ингэж мэдэгдсэнээс нэг өдрийн дараа Ниссан Моторсын хувьцаа Токиогийн арилжаанд зургаан хувиар унажээ. Энэ сарын 07-нд буюу өнгөрсөн Пүрэв гарагт Японы гурав дахь том автомашин үйлдвэрлэгч компани бүтэн жилийн үйл ажиллагааны ашгийнхаа таамаглалыг 70 хувиар бууруулжээ. Гуравдугаар сарын эцэс хүртэл санхүүгийн жилд бүтцийн өөрчлөлт хийснээр зардлыг 400 тэрбум иенээр (2.61 тэрбум доллар) бууруулна гэж тус байгууллага мэдэгджээ.

Дэлхийн олон автомашин үйлдвэрлэгчдийн нэгэн адил Хятадад BYD хямд үнэтэй цахилгаан машинууд болон дэвшилтэт программ хангамжаар тоноглогдсон бензин-цахилгаан хайбрид автомашинуудаар зах зээлд эзлэх байр сууриараа тэргүүлж байгаа аж. Энэ Хятадад Ниссан Моторсын орлого буурахад нөлөөлсөн гэж үзэж буй. Тэгвэл АНУ-д Ниссаны эрлийз загвар дутагдалтай байгаа тул том сорилт болж байгаа аж.