Жүжигчин Ли Си Ён саяхан 6 настай хүүтэйгээ дэлхийн хамгийн өндөр уулс болох Гималайн нуруугаар аялж буй зургуудаа сошиал сүлжээнд нийтэлсэн талаар “The Korea Times” сонинд бичжээ. Жүжигчин бүсгүй хүүтэйгээ хамт эхлүүлсэн энэхүү аяллынхаа талаар олон нийтэд хандаж

“Бид төлөвлөсөн ёсоор нар мандахад хүрч чадсангүй.  Гэхдээ 4200 метрийн өндөртэй Марди Химал ууланд амжилттай гарсан. Аяллын турш цаг агаар хэцүү байсан бөгөөд төгсгөлд нь бороо, цас орсон. Гэсэн ч аяллын сүүлчийн өдөр тэнгэр цэлмэх нь ерөөл шиг санагдсан. Би Гималайд өнгөрүүлсэн мөч бүртээ үнэхээр их талархаж, аз жаргалтай байна” хэмээн хэлжээ.

Өмнөд Солонгосын олон нийтийн сүлжээгээр түүнийг “Зоригтой ээж” хэмээн магтсан байна.Түүний хувьд хүүтэйгээ эхлүүлсэн энэ аяллаа 11 сарын 10-нд амжилттай дуусгажээ.

Аяллын явцад түүний хүү Жун Юни хувьд шүхрээр нисэхийг оролдсон гэдгийг Жүжигчин бүсгүй онцолсон байна.