Орон нутгийн малчдын малын мах, цагаан идээ, тариаланчдын жимс, жимсгэнийг дундын зуучлалгүйгээр нийслэлийн иргэдэд хүргэх зорилгоор “Өвлийн идэш” өргөтгөсөн худалдааг зохион байгуулахаар болсон. Тэгвэл өнөөдөр буюу арванхоёрдугаар сарын 12-21-ний өдрийг дуустал “Хоршоологчдоос – Хотынхондоо” уриан дор Хан-Уул дүүргийн 15 дугаар хороо, Төв цэнгэлдэх хүрээлэнгийн гадна талбайд мах, цагаан идээний өргөтгөсөн худалдаа гарч байна. Уг өргөтгөсөн худалдааг 2019 оноос хойш 5 жил зохион байгуулж байна.