Саяхныг хүртэл, тодруулбал 2008 онд судалгаагаар тогтоохоос өмнө халим босоогоороо унтдаг болохыг хэн ч мэддэггүй байжээ.

2017 он хүртэл унтаж буй халимын олигтой зураг ер байсангүй. Тэр жил Францын гэрэл зурагчин, кино зураглаач Стефан Гранзотто Газар дундын тэнгисийн халимуудын тухай баримтат киноны зураг авч явахдаа унтаж буй сперм халим ( sperm whale) буюу шүдэт халимын нэгэн төрлийн унтаж буйтай тааралдаж зургийг нь буулгаснаар та бид өнөөдөр халим хэрхэн нойрсдог болохыг харж байна.

Сперм халимууд нойр авахын тулд гүн амьсгал аваад далайн гүн рүү 15 орчим метр шумбаж, 10-15 минут унтдаг ажээ. Тэд ихэвчлэн 5 эсвэл 7-оороо бүлэг болж “Давсанд явдаг нь” аюулаас сэргийлэх зорилготой юм.

Ц.Энхтүвшин “Таван цагариг сонин”