Өмнөх Засгийн газар улаан буудайн баяжуулсан гурилыг Гаалийн албан татвараас чөлөөлөх тухай хуулийн төслийг өргөн барьж, 2024 оны тавдугаар сарын 1-нээс импортын гурилын гаалийн татварыг тэглэсэн билээ.
Тэгвэл Хүнс, хөдөө аж ахуй хөнгөн үйлдвэрийн сайд Ж.Энхбаяр уг хуулийн төслийг хүчингүй болгох хуулийн төсөл өргөн барив. Импортоор авч байгаа улаанбуудайн гурил, малын тэжээл дээр өмнөх татварыг сэргээх нь зүйтэй гэсэн шийдлийг Засгийн газар гаргаж УИХ-д өргөн барьж байгаа гэлээ.
УИХ шийдвэр гаргаж гурилын болон улаан буудайн малын тэжээлийг татваргүй оруулж ирэх арга хэмжээг тухайн үед авсан. Гэвч энэ нь дотоодын үйлдвэрүүдэд сөргөөр нөлөөлсөн.
Импортоор орж ирж байгаа бүтээгдэхүүн хязгаарлагдсанаар дотоодын үйлдвэрүүд нэмэгдэх нь тодорхой. ОХУ шатахуун, техник, бордоо, ургамал хамгааллын бодисоо өөрсдөө үйлдвэрлэж байна. Дээрээс нь хөрсний үржил шимийн байдал манайхаас хол давуу. 3-4 дахин их ургац авдаг. Дэлхийн улаан буудайны үйлдвэрлэлийн 15-16 хувийг экспортолж хянаж, зохицуулж байдаг орон дотоодын үр тариан үйлдвэрлэлд өрсөлдөнө гэдэг маш хүч тэнцвэргүй. Иймд бид ямар ч нөхцөлд дотооддоо 300 гаруй мянган га талбайн тариалалт дээрээ тулгуурласан улаан буудайн дотоодын үйлдвэрлэл, үүн дээр суурилсан гурилын үйлдвэрлэлээ авч явах нь онцгой чухал. Энэ бол улс орны эрх ашиг, аюулгүй байдлын гол зүйл.
25.000 мянган төгрөгийг нэг сард зарцуулж байна гэдэг өнөөдрийн цалингийн түвшин, орлого, тэтгэвэр нэмэгдэлтэй харьцуулаад үзэхэд гурил үнэтэй бараа биш.
Энэ хуулийг Засгийн газар хэлэлцэх нь зүйтэй гэж үзсэн. Одоо бодлогын шийдвэрийг Их Хурал руу өргөн барина. Засгийн газар тухайн үнийн өсөлт, ургацын байдал болон гадаад бодлогын аюулгүй байдлаас шалтгаалаад татвар, импортоо тавьдаг хурдан чөлөөлдөг зохицуулалтаа хийж тариаланч, үйлдвэрлэгч, хэрэглэгч гурвын эрх ашгийг тэгш хангаж явах нь зүйтэй.
Уламжлалт байдлаар бодлогынхоо дэмжлэгүүдийг үзүүлээд явна. Ямар ч нөхцөлд дотооддоо улаан буудай тариалж, гурилаа үйлдвэрлэх нь онцгой чухал. Мах, гурилтай байхад ямар ч нөхцөлийг монголын ард түмэн давж гарна” гэв.