Хөвсгөл аймгийн 6 дахь хошуу мал цаа, цаатан иргэдийн аж амьдралыг олон нийтэд сурталчлан таниулах, өвлийн аялал жуулчлал хөгжүүлэх зорилготой “Цаа, цаачдын баяр” 2 дугаар сарын 20, 21-нд Цагааннуур суманд болно. Уг баярт ирж, тува, дархад дуу, цааны уралдаан, цаатай хос шалгаруулах тэмцээн үзэж, албан байгууллага, үзэгч, жуулчдын дунд зохион байгуулах буухиа тэмцээнд оролцож болно. Соёлын бүтээлч үйлдвэрлэл эрхлэгчдийн үзэсгэлэн, худалдаанаас бэлэг, дурсгал худалдан авах боломжтой.

Цагааннуур сум 2023 онд 2931 цаатай байсан бол өнгөрсөн жил 2765 цаа тоолуулжээ. Цаа 5.7 хувь буюу 166-аар цөөрсөн байна.