Ус, цаг уурын хүрээлэн цаг агаарын мэдээ гаргахдаа мэдрэгдэх температур гэдэг үзүүлэлт давхар гаргадаг болсныг анзаарсан уу? Цаг агаарын үзэгдлүүд нийлэхээрээ хүний биед өөр өөр нөлөө үзүүлдэг. Салхигүй үед агаарын хэм хэд байх нь чухал. 10 хэмийн хүйтэн, салхигүй өдөр хүнд 10 хэмийн хүйтэн мэдрэгдэнэ. Харин хүчтэй салхитай үед хүн, малд үзүүлэх нөлөө өөрчлөгддөг. Энэ нь салхины хүчээс их хамаарна.

Тухайлбал: Гадаа -15 хэм байхад 17 м/с-ийн хурдтай салхи болох үед хүнд -30 хэмийн хүйтэн мэдрэгддэг. Ийм нөхцөлд гадаа 30 минут байхад л хүн бээрэх, осгох боломжтой. Агаарын хэм бага байсан ч хүн осгох нөхцөл бүрддэг байгаа биз!
Хавар агаарын хэм тийм ч хүйтэн биш байдаг ч салхи их үүсдэг тул өвлөөс дутахгүй хүйтэн байдаг шүү дээ.

Хүнд мэдрэгдэх температур