Нийслэлийн ЗДТГ, Дүүргийн эрүү, иргэний хэргийн хялбар ажиллагааны анхан шатны тойргийн шүүхийн Тамгын газар, Хуульчдын холбоо хамтран, нийслэлийн иргэдийн хууль, эрх зүйн боловсролыг дээшлүүлэх зорилгоор сар бүрийн 3 дахь долоо хоногийн лхагва гарагт иргэдэд хууль, эрх зүйн зөвлөгөө үнэ төлбөргүй өгөх өдөрлөг зохион байгуулдаг. Энэ сарын өдөрлөг өнөөдөр буюу 2 дугаар сарын 19-нд Үйлчилгээний нэгдсэн төвийн “Дүнжингарав”, “Драгон”, “Мишээл-Экспо”, “Сэлбэ”, “Баянгол”, “Баянхошуу” салбарт болно. Мөн 75050801, 75050802, 75050803, 75050804 дугаарын утсаар иргэдэд хууль, эрх зүйн анхан шатны зөвлөгөөг үнэ төлбөргүй өгөх юм.

Иргэн та өнөөдөр 09:00-16:00 цагийн хооронд нийслэлийн Үйлчилгээний нэгдсэн төвүүдэд очиж биечлэн зөвлөгөө авч болно. Мөн утсаар холбогдож, иргэний, захиргааны, эрүүгийн, гэр бүлийн, гэрээний эрх зүй зэрэг өөрт тулгарч буй хууль, эрх зүйн асуудлаар үнэ төлбөргүй зөвлөгөө, туслалцаа авах боломжтой.