Эрх бүхий этгээдүүдийн хооронд үүссэн маргааны улмаас хуулийн этгээдийн тамга, тэмдэг, гэрчилгээг авч зугтах, хүлээлгэн өгөхгүй байх, нуух зөрчлийн улмаас хуулийн этгээдийн хэвийн үйл ажиллагаанд саад учирч хуулийн этгээдийн мэдээлэлд өөрчлөлт оруулах Улсын бүртгэлийг хуулийн дагуу бүртгэхэд хүндрэл учирч байсан. Учир нь Улсын бүртгэлийн байгууллага хуулийн этгээдийн бүртгэлийг хөтлөхдөө албаны дотоод хэрэгцээнд ашигладаг улсын бүртгэлийн маягтад тамга, тэмдэг дарагдсан байхыг шаарддаг байсан.

Иймд Улсын бүртгэлийн ерөнхий газрын дарга У.Болдхүү; Улсын бүртгэлийн хууль тогтоомжийг нэг мөр ойлгож, нэгдсэн арга зүйтэй хэрэглэх талаар зөвлөмж, чиглэлийг гаргалаа. Уг зөвлөмж, чиглэл гарснаар хуулийн этгээдийн эрх бүхий этгээдийн шийдвэр нэгэнт гарсан бол тамга, тэмдгийг хүлээлгэн өгөхгүй, авч зугтахаас үл шалтгаалан хуулийн этгээдийн мэдээлэлд оруулсан өөрчлөлтийг бүртгэж эхлээд байна. Ингэснээр хуулийн этгээдийн үйл ажиллагаа тасралтгүй хэвийн явагдах иргэний хууль, компанийн тухай хууль, төрийн бус байгууллагын тухай зэрэг хуулийн хэрэгжилтийг хангах нөхцөлүүд бүрдэж байна.