Өмнөд Солонгосын дуучин G-Dragon “Übermensch” хэмээх студийн бүрэн хэмжээний 3 дахь цомгоо өнөөдөр худалдаанд гаргаж байна.

Түүний өмнөх бие даасан “Coup D’Etat” цомог 2013 онд гарч байсан бөгөөд тэрээр 11 жил 5 сарын дараагаар ийнхүү цоо шинэ цомгийн хамт дуу хөгжмийн ертөнцөд эргэн ирж байна.

Өнгөрсөн жил цацсан “Power” болон “Home Sweet Home” дуунууд нь энэхүү цомогт байгаа бөгөөд G-Dragon “Übermensch” цомгоо Galaxy Corporation агентлагаас худалдаанд гаргаж байгаа юм.

Цомгийн нэр нь Германы философич Фридрих Ницше-гийн “өөртөө эзэн байх ёс суртахуун” буюу нийгмийн тогтсон хэм хэмжээг эвдэж чадах хүчирхэг, төгс төгөлдөр, бие даан сэтгэх чадвартай сод хүнийг тодорхойлсон нэр томьёо юм.

25 минут гаруй үргэлжлэх “Übermensch” цомог нийт 8 дуутай. Түүний цомгийн 3 дахь сингл болох америк-солонгос гаралтай дуу зохиогч, реппер Anderson Paak-тай хамтарсан “TOO BAD” дууны видеоклип мөн удахгүй цацагдахаар болоод байна.  

G-Dragon мөн цомгийнхоо нэрээр нэрлэсэн дэлхийн аялан тоглолтыг зарлаж, эхний тоглолтууд нь Өмнөд Солонгосын Куян хотод ирэх сарын 29, 30-ны өдрүүдэд тоглогдохоор болсон юм. Мөн тэрээр 5-р сарын 31-нд АНУ-ын Лос Анжелес хотноо зохиогдох “Head in the Clouds” хөгжмийн фестивалийн хэдлайнер уран бүтээлчээр оролцохоор болсон билээ.