Lisa анхны бие даасан “Alter Ego” цомгоо гаргана


Blackpink хамтлагийн гишүүд 2025 оныг уран бүтээлийн ганзага дүүрэн эхлүүлж байна. Саяхан хамтлагийн гишүүн Jisoo гол дүрд нь тоглосон “Newtopia” хэмээх цуврал киногоо нээж, удалгүй 4 дуутай “Amortage” хэмээх мини цомгоо гаргасан бол цацагдаад удаагүй байгаа HBO сувгийн “White Lotus” цувралын 3-р бүлэгт дүр бүтээсэн хамтлагийн гишүүн Lisa өөрийн анхны бие даасан, студийн бүрэн хэмжээний “Alter Ego” хэмээх цомгоо өнөөдөр худалдаанд гаргаж байна.

Lisa өөрийн анхны цомгийг өнгөрсөн жилээс эхлэн сурталчилж, 2024 оны 6-р сард анхны “Rockstar” синглээ цацаж, араас нь 8-р сард дуучин Rosalía-тай хамтарсан “New Woman” сингл, 10-р сард Victoria’s Secret-ийн шоунд “Moonlit Floor” дуугаа дуулж цацсан бол энэ сарын эхээр тэрээр реппер Doja Cat, дуучин Raye нартай хамтарсан “Born Again” дуугаа цацсан билээ.

Мөн удахгүй “Fxck Up the World” хэмээх дуугаа цацахаар болоод байгаа юм.

Өнөөдөр худалдаанд гарч буй “Alter Ego” цомгийг дуу бичлэгийн RCA компани болон Lisa-гийн үүсгэн байгуулсан LLOUD компаниуд хамтран гаргаж байгаа юм. Түүний цомогт нийт 12 дуу багтсан бөгөөд дээр дурьдсан уран бүтээлчдээс гадна мөн дуучин Tyla-тай хамтарсан “When I’m with you” хэмээх дуу багтжээ.

Цомог худалдаанд гарахаас өмнө мөн Lisa-гийн шинэ цомгийн бүх дуунууд интернетээр алдагдсан гэх мэдээлэл гарсан юм. Гэвч дуучны шүтэн бишрэгчид түүнд дэмжлэг үзүүлж цомгийг эх хувиар нь худалдан авахаа илэрхийлсэн байна.

Lisa өмнө нь “Lalisa”, “Money” гэсэн 2 дууг багтаасан Lalisa хэмээх сингл цомгийг 2021 оны 9-р сард гаргаж байсан билээ.

Харин Blackpink хамтлагийн бусад гишүүдийн хувьд гэвэл Jennie ирэх долоо хоногт буюу 3-р сарын 7-нд “Ruby” хэмээх мөн л анхны бие даасан цомгоо худалдаанд гаргахаар болоод байгаа юм. Түүнчлэн оны сүүлээр Blackpink хамтлаг дэлхийн аялан тоглолтоо эхлүүлэхээр төлөвлөсөн байна.

,

Leave a Reply

Your email address will not be published. Required fields are marked *