Дархан-Уул аймгийн Эмэгтэйчүүдийн холбооны Уран зургийн галерей жил бүр Олон улсын эмэгтэйчүүдийн эрхийг хамгаалах өдрөөр сэдэвчилсэн уран зургийн үзэсгэлэнг зохион байгуулдаг. Энэ жил “Бүсгүй” сэдэвт үзэсгэлэнг биет болон виртуал хэлбэрээр гаргана. Тус аймгийн Зураач, урчуудын эвлэлийн 9 уран бүтээлчтэй хамтран уг үзэсгэлэнг зохион байгуулах юм байна.
Уран бүтээлч хүний дотоод ертөнцөд орших “Бүсгүй” хүний олон дүр, оюун санаа, дотоод ертөнц, мөн чанар, гоо үзэсгэлэн, эрэмгий хүсэл мөрөөдлийг дүрслэх урлагаар дамжуулан харуулах энэхүү үзэсгэлэн Эмэгтэйчүүдийн ордны галерейд 3 дугаар сарын 8-нд нээлтээ хийж, 31-ний өдрийг дуустал үзэгчдийг хүлээж авна гэж Дархан-Уул аймгийн Соёл, урлаг, аялал жуулчлал, залуучуудын газар мэдээллээ.